欧锦棠大爆TVB高层方针 唔使揼本拍大制作：咁嘅思维仲有咩进步 | 香港01
欧锦棠曾是亚洲电视（ATV）的艺人，入行初期因担任《今日睇真D》主持而为观众所熟悉，其后约于2002年加入无綫（TVB）并出演《法网伊人》、《毕打自己人》等剧集，亦曾于ViuTV及HKTV演出过《打天下》、《功夫传奇》等。
近期欧锦棠开设YTube频道《乜乜棠水舖thestephenaushow》，主要讲一些趣闻、历史以及影视界新闻。日前欧锦棠在新片中就提及一件有关TVB的事，他表示曾从某位TVB高层口中听过一句说话：“其实都唔使摆咁多资源落去拍，我哋求其拍啲嘢出嚟都有人睇。”
爆TVB高层开会内幕
事缘在2018年到2019年之间，他表示当时已离开了TVB，在与一位TVB高层见面的时候，他们有了一番对话。欧锦棠说：“我都係同一个TVB入面嘅管理层见面，大家都係閒话家常倾偈，唔知点解佢讲到制作上面嘅问题。佢同我讲‘唉，其实佢哋（TVB高层）开会，啲老细都讲咗，其实都唔使摆咁多资源落去拍大制作啦，唔需要啦，因为点解呀？即係我哋求其拍嘢嘢出嚟都有人睇。’呢个係佢咁讲，我冇屈佢，当然我唔会开佢个名，佢自己当然唔会评论佢呢句说话，但係当然我听到就觉得‘咁真係唔鬼怪得。’即係呢班所谓管理层，有个咁嘅思维，你呢个机构仲可以有咩进步呢？”
唔签HKTV真相
其后，欧锦棠亦引申到当年“电视台大战”，亚洲电视牌照被取回，政府开放电视台牌照的时候。他表示，当年由王维基领导的HKTV相当有心，先是以高薪挖角邀请幕后工作人员转公司，也以高薪请同业艺员过档。
曾被HKTV挖角 因一事却步
他说：“我喺TVB份粮唔係太差，但係佢（HKTV）都加好多畀我，然后就任开好多条件，甚至乎佢话‘我哋制作方向好广泛，阿棠你好多idea㗎，你锺意做咩都可以出声’，不过我听到呢度就有少少却步。”欧锦棠指出，其实电视台制作方针需要清晰，如果任何一个演员要求就制作节目的话，成本是非常重的：“而家唔係乜乜棠水舖，我讲电视八卦嘢就好多人睇，怪兽就冇人睇，你锺意睇咪睇囉，唔睇咪罢，但係我冇成本呀嘛，但係电视台唔係。”亦因为这个原因，欧锦棠最后就没有签约，他解释说：“咩都话Yes呢，我会却步，结果嗰次我冇签到。我就留喺TVB，加人工又加得几好，证明咗一样嘢，有竞争先会有进步。”
